Geogebra

Oraingo honetan Manuel Sadaren webguneko zenbait klasiko hautatu ditut DBH1eko klasean erabiltzeko. Nahiz eta klasikoak izan erabigarri izan daitezke poligononen azalera atala lantzerakoan.
Aukeratutako appleten artean ondorengoak ditugu:

• Laukizuzenen eta karratuaren azalera.
• Triangeluaren azalerak erakusteko bi applet ditu. Bi horien artean argiago iruditu zait lehenengoa eta hori da ikasleekin ikusiko nukeena.
• Azkenik erronboaren jarduera ere klaserako interesgarria iruditu zait.

JClic

Zatikiak

DBH1eko taldearekin zatikiak landu ahal izateko ondorengo proiektua topatu dut Jclic.en. Zatikiak identifikatzeaz gain buruketa ezberdinak egiteko aukera ematen digu. Proiektua gainera gaztelera eta euskaraz topa genezake. Honela material berdina irakasten dudan bi ereduetan erabiltzeko aukera dudalarik.

Euskaraz

zonaClic - actividades - Zatikiak (fracciones)

Gazteleraz

zonaClic - actividades - Zatikiak (fracciones)

Beste ariketak

Batzuetan ikasleak nekaturik dauudenea, egin beharreko ariketak amaituta dituztenean edota opor egunen aurretik (ebaluazioa amaitu eta gabonen aurreko azken egunetan) gomendagarriada ikasleekin ariketa lasaiagoak eta joku modukoak egitea. Azkenaldian honetarako Kahoot erabiltzen hasi naiz ikasleekin (jarrera ona eta etxeko lanak egitearekin baldintzatua). Jclicken aktibitateen artean interesgarriak izan daitezkeen bi topatu ditu: oka jokoa eta jeroglifiko matematikoa. 

Jeroglifikoa lana amaitu dutenerako planteatuko nuke eta algebra eta kalkulu mentala lantzeko egokia iruditzen zait. Oka jokoa berriz ostiraletan bakarka jolasteko interesgarria da. Azken honetan jarriko nukeen hobekuntza bakarra elkarren aurka jolasteko aukera da, lehia gustuko baitute.

zonaClic - actividades - Jeroglíficos matemáticos

zonaClic - actividades - La oca matemática

Descartes Proiektua

Zatikiak lantzeko

Ondorengo proiektuak lehen hezkuntzako zatikien inguruko ezagutzak errepasatzen lagunduko digu, bai eta zenbait kontzeptu berri lantzen: zatikien errepresentazio, ordena, zatiki baliokideak identifikatzen besteak beste.

Sistema metrikoa

Momentu honetan gai hau ari gara lantzen DBH1eko gelan. Ikasleekin edukien errepasoa egiteko baliagarriak diren materialak topa genitzake bertan.

Thatquiz

Ondorengo sarreran Thatquizen bidez sorturiko zenbait froga aurkeztuko dira.

 Lehenengo froga Sistema metriko hamartarra  DBH1en lantzeko diseinaturik dago. Jarduera honetan ikasleek 12 galdera erantzun beharko dituzte. Galdera horietatik 8, nik sortuak dira "preguntas" moduko baliabideak erabiliz. Horietaz gain, azterketa berean 4 "medida" jarduera txertatu ditut. Jarduera hauek ez dira nik sortuak Thatquizetik txertatuak baizik. Azterketa praktikatzeko egin klik hemen. Azterketa bera egiteko berriz froga erabiltzaile bat sortu da. Azterketa egiteko egin klik hemen.

Bigarren azterketa berriz zatikiekin loturikoa da. Azterketa hau osatzeko erabilitako galderak ez dira nik sortuak, Thatquizek berak proposatzen dituenak baizik. Honetarako azterketa berri bat sortu eta bertan 10 "Fracciones identificar", 10 "Fracciones comparar" eta  10 "Fracciones Aritmética" ariketa txertatu ditut. Azterketa praktikatzeko egin klik hemen. Azterketa egiteko berriz ondorengo loturan klikatu

Kahoot

Prest Garako Matematika Intereaktiboa ikastaroan Eider Antxustegi-Etxartek Kahoot izeneko tresna erakutsi digu. 

Galdera erantzun bidezko jokoa erraz sortzeko aukera ematen digun webgune hau klasean birritan probatu ostean, arrakasta itzela izan duela esan beharra dut. Ikasleek matematikako kontzeptuak eta prozedurak lantzen dituzte eta hurrengoz noiz erabiliko dugun gogotsu egoten dira. Ohiko lan moduarekin konparatuta ikasleek motibatuago egiten dute lan mugikor edota portatilarekin erantzunak emanaz. Beheko irudian gaztelerako talderako testuliburuko problema batetan oinarritutako galdera bat ikus daiteke.

EducaPlus

Sarrera honetan DBH1erako interesgarriak izan daitezkeen Educaplus webguneko zenbait applet aurkeztuko dira.

Biderketak errepasatzeko

Zenbait ikaslek 1.DBHen oraindik biderketak egiteko zailtasunak dituzte, eta biderketa taulak ez dituzte menperatzen, 7 eta 8arenak bereziki. Hori dela eta ondorengo Appletaren bidez taula horiek errepasatzeko aukera izango dute.

Zatikiak

Bigarren applet multzoa berriz hemendik hilabetera landu behar dudan zatikien gaia lantzeko egokiak iruditu zaizkit.

Adierazpen grafikoa eta zenbakizkoa lotzea

Adierazpen grafikoak zatiki kontzeptua ulertzen eta barneratzen laguntzen die ikasleei. Ondorengo appletak klasean egindako lana errepasatzeko balio dezake.

Zatiki baliokideak

Zatiki kontzeptua ulertu ostean zatiki baliokide kontzeptua landuko dugu klasean. Kontzeptu hau lantzeko baliabide ugari ditugu Educapluseko zatikien atalean. Horietatik Zatiki baliokideak I izenekoa jarriko dut bertan, bera baita zailtasun maila baxuenekoa. Applet hauetan ikasleek zatiki baliokide bikoteak osatu behar dituzte. Mota bereko 3 applet ditugu, zailtasun maila inkrementalarekin lehen esandako orrialdean.

Educaplay

Sarrera honetan Educaplay webgunearen bidez , DBH1erako sorturiko bi baliabide ezberdin aurkezten ditut.

Zenbaki erromatarrak

Aktibitate honen helburua zenbaki hamartarrak eta erromatarrak erlazionatzea da. Lehenengo DBHko ikasleentzat prestaturik dago.

Zenbaki erromatarrak

Zenbaki osoak ordenatu

Aktibitate hau berriz zenbaki osoak lantzen denerako sortu da. Bertan ikasleek zenbakiak txikienetik handienera ordenatu beharko dituzte.

Zenbaki osoak ordenatu